Hector Hyppolite (1894-1948)

Hector Hyppolite fèt 16 septanm 1894 nan vil Sen Mak (nan Ba Latibonit). Li mouri 9 jen 1948.

Se yon ameriken, Dewitt Peters, ki dekouvri l. Peters te kreye Centre d’Art Pòtoprens, kote li te ede anpil atis ayisyen. Apre Peters fin dekouvri Hyppolite, atis la penn plis pase 200 tablo. André Breton, yon ekriven franse, vizite Ayiti. Li fè tout moun konnen Hyppolite ak yon bann lòt pent ayisyen. Yo te konn rele pent sa yo « nayif », men li pi bon si nou rele yo « popilè », paske nayif se yon mo ki prèske vle di egare. Hector Hyppolite te yon houngan. Anpil nan tablo li yo gen sijè ki soti nan relijyon vodou a. 

Dewitt Peters parèt nan yon video ki fèt an 1950.